Ghazal - Youn Tu Kaya Cheez
May 19, 2007 on 5:40 pm | In Hum Uss Kay Hein |یوں تو کیا چیز زندگی میں نہیں
جیسے سوچی تھی اپنے جی میں ‘ نہیں
دِل ہمارا ہے چاند کا وہ رُخ
جو ترے رُخ کی روشنی میں ، نہیں
سب زمانوں کا حال ہے اِس میں
اِک وہی شام ، جنتری میں نہیں !
ہیں خلاؤں میں کِتنی دُنیا ئیں
جو کِسی حدِّ آگہی میں نہیں !
ہو کیسا، حَرم کہ بُت خانہ
فرق ان میں ہے، بندگی میں نہیں
ایک اِنساں ہے، زندگی جَیسا
اور وہ میری زندگی میں نہیں !
تُونہیں، تیرا غم ہے چاروں طَرف
جس طرح چاند، چاندنی میں نہیں
اَجر تو صَبر کے جَلو میں ہے
موجِ دریا میں، تِشنگی میں نہیں
ایک بے نام سے خلا کے سوا
کو ن سا رنگ، کافری میں نہیں !
ایک گرا بِ بے خُودی کے سِوا
کیا تماشا ہے جو خُودی میں نہیں !
ہے ہمارا وہ مُدّعا امجد
کوئی بھی جس کی پَیروی میں نہیں
No Comments yet »
RSS feed for comments on this post. TrackBack URI
Leave a comment
Presentation of Urdu Poetry Forum - Get RSS Feed:
Entries and comments feeds.
^Top^