Ghazal - Yeh Gard e Baad e Tamana
May 19, 2007 on 5:36 pm | In Hum Uss Kay Hein |یہ گر د بادِ تمنّا میں گُھو متے ہُوئے دِن
کہا ں پہ جا کے رُکیںگے یہ بھاگتے ہُوئے دِن!
غروب ہوتے گئے رات کے اندھیروں میں
نویدِامن کے سُورج کو ڈھونڈتے ہوئے دِن
نہ آپ چلتے، نہ دیتے ہیں راستہ ہم کو
تھکی تھکی سی یہ شا میں،یہ اُونگھتے ہُوئے دِن
پھر آ ج کیسے کٹے گی پہاڑ جیسی رات!
گزر گیا ہے یہی بات سوچتے ہُوئے دِن
تمام عُمر مِرے ساتھ ساتھ چلتے رہے
تجھے تلاشتے ،تجھ کو پُکارتے ہُوئے دِن
ہر ایک رات جو تعمیر پھر سے ہوتی ہے
کٹے گا پھر وہی دیوارچاٹے ہُوئے دِن
مِرے قریب سے گُزرے ہیںبار ہا امجد
کِسی کے وصل کے وعدے کو دیکھتے ہُوئے دِن
No Comments yet »
RSS feed for comments on this post. TrackBack URI
Leave a comment
Presentation of Urdu Poetry Forum - Get RSS Feed:
Entries and comments feeds.
^Top^