Amjad Islam Amjad

Ghazal - Koi Khawab e Dashat e Firaq Mein

May 18, 2007 on 11:05 pm | In Hum Uss Kay Hein |

کوئی خواب دشتِ فراق میں سرِ شام چہرہ کشا ہُوا

مِری چشمِ تر میں رُکا نہیں کہ تھارَت جگوں کا ڈسا ہُوا

مِرے دِل کو رکھتا ہے شادماں، مرے ہونٹ رکھتا ہے گُل فشاں

وہی ایک لفظ جو آپ نے مِرے کان میں ہے کہا ہُوا

ہے نِگاہ میں مِری آج تک وہ نِگاہ کوئی جُھکی ہُوئی

وہ جو دھیان تھا کِسی دھیان میں، وہیں آج بھی ہے لگا ہُوا

مِرے رَت جگوں کے فشار میں’ مِری خواہشوں کے غبار میں

وُہی ایک وعدہ گلاب سا سرِ نخل جاں ہے کِھلا ہُوا

تری چشمِ خُوش کی پناہ میں کِسی خواب زوار کی راہ میں

مِرے غم کا چاند ٹھر گیا کہ تھارات بھر کا تھکا ہُوا

ہے یہ مُختصر، رہِ عشق پر، نہیں آپ ہم، رہے ہم سَفر

تو لو کس لیے یہ مباحثہ، کہاں! کون! کیسے جُدا ہُوا

کِسی دل کُشا سی پُکار سے اُسی ایک بادِ بہار سے

کہیں برگ برگ نمومِلی، کہیں زخم زخم ہَرا ہُوا

ترے شہرِ عَدل سے آج کیا سبھی درد مند چلے گئے

نہیں کاغذی کوئی پیر ہن، نہیں ہاتھ کوئی اُٹھا ہُوا

Presentation of Urdu Poetry Forum - Get RSS Feed: Entries and comments feeds. ^Top^