Ghazal - Yeh Koun Aaj Mairi Ankh Kay Hissar Mein Hai
May 12, 2007 on 1:05 pm | In Hum Uss Kay Hein |یہ کون آج مِری آنکھ کے حصار میں ہے
مُجھے لگا کہ زمیں میرے اختیار میں ہے
چراغِ رنگِ نَوا، اب کہیں سے روشن ہو
سکوتِ شامِ سفر، کب سے انتظار میں ہے
کُچھ اِس طرح ہے تری بزم میں دل، جیسے
چراغِ شامِ خزاں، جشنِ نو بہار میں ہے
مِری حیات کے سارے سفر پہ بھاری ہے
وہ ایک پَل جو تری چشمِ اعتبار میں ہے
جو اُٹھ رہا ہے کسی بے نشان صحرا میں
نشانِ منزلِ ہستی اُسی غبار میں ہے
ہماری کشتئی دل میں بھی اب نہیں وہ زور
تمھارے حُسن کا دریا بھی اب اُتار میں ہے
کبھی ہے دُھوپ کبھی ابرِخُوش نما امجد
عجب طرح کا تلّون مزاجِ یار میں ہے
No Comments yet »
RSS feed for comments on this post. TrackBack URI
Leave a comment
Presentation of Urdu Poetry Forum - Get RSS Feed:
Entries and comments feeds.
^Top^