Ghazal - Koi Musam Ho Dil Mein Hai
May 12, 2007 on 1:05 pm | In Hum Uss Kay Hein |کوئی موسم ہو دل میں ہے، تمھاری یاد کا موسم
کہ بدلہ ہی نہیں جاناں، تمھارے بعد کا موسم
نہیں تو آزما کر دیکھ لو، کیسے بدلتا ہے
تمھارے مُسکرانے سے دلِ ناشاد کا موسم
صدا تیشے سے جو نکلی، دلِ شیریں سے اُٹھی تھی
چمن خسرو کا تھا لیکن’ رہا فرہاد کا موسم
پرندوں کی زباں بدلی’ کہیں سے ڈھو نڈلے تُو بھی
نئی طرزِ فغاں اے دل کہ ہے ایجاد کا موسم
رُتوں کا قاعدہ ہے وقت پر یہ آتی جاتی ہیں
ہمارے شہر میں کیوں رُک گیا فریاد کا موسم!
کہیں سے اُس حسیں آواز کی خوشبُو پکارے گی
تو اُس کے ساتھ بدلے گا دلِ برباد کا موسم
قفس کے بام و دَر میں روشنی سی آئی جاتی ہے
چمن میں آگیا شاید لبِ آزاد کا موسم
مِرے شہرِ پریشاں مَیں تری بے چاند راتوں میں
بہت ہی یاد کرتا ہوں تری بُنیاد کا موسم
نہ کوئی غم خزاں کا ہے’نہ خواہش ہے بہاروں کی
ہمارے ساتھ ہے امجد کسی کی یاد کا موسم
No Comments yet »
RSS feed for comments on this post. TrackBack URI
Leave a comment
Presentation of Urdu Poetry Forum - Get RSS Feed:
Entries and comments feeds.
^Top^