Ghazal - Koi Hijar Tha Na Visaal Tha Mairay Samnay
May 12, 2007 on 12:28 pm | In Hum Uss Kay Hein |کوئی ہجر تھا نہ وصال تھا مِرے سامنے
مِری آرزؤں کا جال تھا مِرے سامنے
میں گِرا ہوں کِتنی ہی مرتبہ پر رُکا نہیں
مگر ایک تیرا خیال تھا مِرے سامنے
کسی آنکھ میں نہ تھی روشنی، کسی خواب کی
عجب ایک شہرِ ملال تھا مِرے سامنے
لیے انگ انگ میں پیاس سی، سرِ شام وہ
مِری خواہشوں کی مثال تھا مِرے سامنے
مُجھے رات اپنی نگاہ پہ بھی یقین نہ تھا
کوئی معجزوں سا کمال تھا مِرے سامنے
سرِ بزم جب کِسی آئنے پہ نظر پڑی
وہی ایک عکسِ جمال تھا مِرے سامنے
وہی ایک چُپ کا غبار تھا پسِ چشمِ نَم
وہی ایک تشنہ سوال تھا مِرے سامنے!
No Comments yet »
RSS feed for comments on this post. TrackBack URI
Leave a comment
Presentation of Urdu Poetry Forum - Get RSS Feed:
Entries and comments feeds.
^Top^