Ghazal - Aik Din Iss Tarhaan Bhi Hoona Hai
May 12, 2007 on 12:25 pm | In Hum Uss Kay Hein |ایک دن اِس طرح بھی ہونا ہے
رنگ کو روشنی میں کھونا ہے
جاگنا ہے غبار میں، ہم کو
خاک کی تیر گی میں سونا ہے
کتنی راتوں کو کر گیا جل تھل
ایک آنسو ابھی جو رونا ہے
عُمر کی قیدِ بامشقّت میں
جِسم کا بوجھ ہم کو ڈھونا ہے
وَقت اور بخت کے تعلّق میں
ایک بچّہ ہے اِک کھلونا ہے
تیری آنکھوں کے کنجِ خوشبو میں
ہم کو بھی ایک خواب بونا ہے
اے مری چشمِ تر، بتا تو سہی
کون سا داغ ہے جو دھونا ہے!
No Comments yet »
RSS feed for comments on this post. TrackBack URI
Leave a comment
Presentation of Urdu Poetry Forum - Get RSS Feed:
Entries and comments feeds.
^Top^